al baqoroh jawwiyah ayat 151-158

Al baqoroh jawwiyah ayat 151-158

151.Kaya dene Ingsun wus ngutus marang sira  kabeh rasul saking golongan ira kabeh kang macakake ayat-ayat Ingsun  marang sira kabeh lan nyucekake sira kabeh lan mulangake marang sira kabeh Al Kitab lan Hikmah ( Sunnah ) sarta mulangake marang sira kabeh apa kang sira kabeh durung ngerti

152.mula saka iku ,padha elingo sira kabeh marang Ingsun mesthi Ingsun ( uga ) eling marang sira kabeh * ) 98 ( maksude : Ingsun paringake rohmat lan pangapuraningsun marang sira )  , Lan padha syukura sira kabeh marang Ingsun , lan sira aja padha ngufuri ( nikmat ) Ingsun.

Pacoban kang abot ing dalem mbela kebeneran

153.Hai wong-wong kang padha iman , dadekna sabar lan salat iku minangka pitulung ira kabeh *99) ( uga ana kang maringi arti :” nyuwun pitulung ( marang Alloh) kanthi sabar lan sholat ) , Satuhune Alloh iku tansah nutupi wong-wong kang padha sabar.

154.Lan sira aja padha guneman yen wong kang dipateni ana ing dalane Alloh , iku mati ; ananging ( sak benere ) dheweke iku urip * 100) ( hiyo iku urip ana ing ngalam kang dudu alam kita iki , kang ana ing kono dheweke uga entuk kenikmatan sangka ngersane Alloh , lan naming Alloh piymbak kang bisa mirsani kaya apa kahanane uripe mau.) , Mung wahe sira ora padha weruh.

155.Lan Ingsun mesthi bakal nguji sira kabeh  kelawaan rasa wedi , luwe , kekurangan bandha  , tenaga lan who-wohan . Lan mbebungaha sira marang  wong-wong kang sabar.

156.( Hiyo iku) wong-wong ka ng nalika kena musibah dhewekun e padha ngucap : “ Innaa lillaahi wa inaa ilaihi rooji’uun *101) ( artine Sak temene kita kuwi kagungane Alloh lan namung marang Alloh kita bakal bali. Kalimat iki diarani kalimat  “ istirja”  ( pengakuan  bali marang Alloh ) disunatake  ngucapake kalimah iki nalika ketaman bilahi padha uga bilahi cilik utawa bilahi gedhe .

157.Hiya dheweke iku wong kang oleh barokah kang sampurna lan rohmat saking Pangerane , lan hiya dheweke iku wong –wong kang oleh pituduh.

Manasik haji

158.Satuhune Safa lan Marwah iku setengah saking syi’ar Alloh *102)(Syi’arr-syi’ar Alloh : tandha-tandha  utawa panggonan  kanggo ta’at marang Alloh) Mangka sing sapa wonge nglakoni haji ana ing Baitulloh  utawa nglakoni Umroh , Mangka ora ana dosa tumrap dheweke *103( Pangeran dhawuhake kanthi dawuh “ ora ana dosa “ amarga sak dengah  sahabat padha rumangsa kabotan  ngelakoni Sa’i ana ing panggonan kuwi tipake panggonane brahala . Lan nalika ing mangsa jahiliyah panggonan kuwi uga digunakake kanggo sa’i.Kanggo ngilangake rasa kabotan mau Alloh  nuli ngudhunake ayat iki) , Umpama Sa’i ana ing antarane Safa lan Marwah , lan sing sapa wonge nglakoni kebagusan kelawan guneman ala , lan supaya sira kabeh padha guneman apa kang sira ora padha weruh ing ngatase nganggo asmane Alloh.